Осумдневен притвор му е определен на Блерим Ахмеди од Тетово, откако во петокот беше уапсен додека даваше интервју за косовската телевизија Клан Косово.
Додека го даваше интервјуто, интервенирала македонската полиција и беше уапсен како организатор на протестот кој што се случи истиот ден претходно во Тетово, на кој се бараше правда и одговорност за жртвите кои што настрадаа во пожарот во тетовската модуларна болница.
Неговиот адвокат информираше дека тој се товари според членот 384 од КЗ од кој се предвидува од 1 до 5 години затвор.
Инаку, за истиот настан околу протестите во Тетово на кој дојде и до судир со полицијата, уапсени се вкупно 5 лица.
Групата граѓани почнала да фрла со јајца и со камења кон општинската зграда и притоа дојде до судир и со припадниците на МВР.
Во пожарот кој се случи вечерта на 8 – ми септември во модуларната болница во Тетово загинаа 14 лица, од кои 12 пациенти со Ковид 19 кои биле на лекување, за кои сеѕште нема никаков абер од истрагата која се води, ниту пак се објави списокот на жртви во истиот.
ВИДЕО од апсењето:
