Армиски хеликоптери го ставаат под контрола пожарот кај кочанското село Костин Дол
Во локализирањето на огнот се вклучени 80 армиски припадници и дваесетина пожарникари, како и вработени во Дирекцијата за заштита и спасување и во јавното претпријатие „Национални шуми“, а помага и месно население. Ангажирани се и армиски хеликоптери кои значително помогнаа огнот да се стави под контрола од три страни, а останува да се локализираат пламените јазици од северната страна. Ако временските услови бидат поволни, без силен ветер, очекувам до крајот на денот пожарот целосно да го исконтролираме и да биде, истакна Благој Паунов, командир на Територијалната противпожарна единица – Кочани.
Припадниците на Армијата ги вложуваат сите потребни сили и капацитети за справување со огнените стихии онаму каде е потребно да се дејствува. Со здружени и координирани напори со сите надлежни ќе се справиме и со оваа природна непогода.
