ПОРАДИ преголемите жештини, сите фантазираат за разладување.
Ако не во морето, тогаш барем во базенот. Така еден тинејџер во Колорадо „се разладил“ со сè – автомобил.
Тинејџерот сепак завршил со сообраќајна казна за несовесно возење, а инцидентот се случил случајно кога наместо на сопирачката притиснал на гаста.
Според објавените фотографии, се чини дека тој малку посилно згазнал на педалата за гас, бидејќи може да се види дека металната ограда низ која минувал е скоро израмнета со земјата.
За среќа, никој не е повреден во инцидентот, но од видеото се гледа дека пожарникарите имале полни раце работа за вадење на автомобилот од базенот.
– Беше многу полесно и побрзо да се влезе отколку да се излезе – на шега напишале пожарникарите покрај видео запис за вадење на автомобилот што не можело да се направи без помош на нуркачи.
