ММА борците, заедно со претседателот на бугарската ММА федерација, Станислав Недков, упаднаа во зградата на Министерството за спорт на Бугарија, протестирајќи против последните обвинувања на Министерството за сомнителна распределба на средства за федерацијата, пренесува DarikNews.bg
Информациите за нелегалното примање на средства оваа недела ги обелодени портпаролот на бугарската влада Антон Кутев. Според него, ММА федерацијата добила нешто повеќе од 510.000 евра под владата на Бојко Борисов.
Федерацијата прими околу една четвртина од оваа сума во рамките на програмата за спречување на разни видови зависност кај младите. Дел од парите биле примени како невладина организација, а дел за финансирање на спортскиот клуб, се дознава од информациите што беа откриени. Наводно, поранешниот министер за спорт, Красен Кралев, исто така учествувал во нелегална распределба на финансии.
Демонстрантите упаднаа во зградата и побараа средба со министерот за спорт Андреј Кузманов. Неговите соработници повикале полиција бидејќи никој не договорил состанок
