Претставниците од граѓанска иницијатива „Учебници и настава мора да има“ се навредени поради тоа што дојдоа на средба во МОН, но не ги прими министерката поради обврски, туку претставници од министерството.
-Ние побаравме работна средба, очекував дека ќе биде засегната за потребите на граѓаните, меѓутоа со тоа таа не навреди со овој пристап, бидејќи излезе дека локалните средби имаат поголема важност од цела држава и од сите родители во земјава.-вели Драган Спасевска од Граѓанска иницијатива „Учебници и настава мора да има“.
Сепак, тие велат дека имале конструктивна средба на која се разговарало на неколку точки.
БАРАЊА НА ГРАЃАНСКАТА ИНИЦИЈАТИВА „ УЧЕБНИЦИ И НАСТАВА МОРА ДА ИМА“
1. Хартиените учебници задолжително да останат во употреба;
2. Да се исклучи родовото сензитивно образование во основното;
3. Да не се спојуваат два или повеќе предмети во еден;
4.Да се образоложи и аргументира кратењето на фондот на часови по одредени предмети;
5. Да се создадат соодветни услови за децата со попреченост;
6. Протоколи за настава со физичко присуство;
7.Задолжително учество на претставници од групата во измените на законот.
Од коалицијата „Менуваме“ велат дека се повлекуваат од оваа група и поддршката, бидејќи сметаат дека е со партиска позадина.Најавија средба со Народниот правобранител наредната недела.
-Отстапуваме од поддршката на Драгана Спасевска, креаторот на фејсбук групата „Учебници и настава мора да има“.Поддршката која ја дававме беше со искрена и добронамерна цел, борба против наметнувањето на електронските учебници во образованието. Како постепено движењето земаше замав и се одвиваше во добри насоки, така притисоците и политичките влијанија ги всадија своите политички идеологии. Политичките влијанија кои го окупираа движењето всади интерес кај одредени лица лично да профитираат и си обезбедат подобра сталешка позиција.-велат од коалицијата „Менуваме“.
Основачката на граѓанската иницијатива демантира за вмешаноста на политиката во оваа проблематика.
-Демантирам дека било која политичка структура стои позади оваа граѓанска иницијатива. Ова е гласот на родителите и само на родителите-вели Спасевска.
Министерката Мила Царовска во интервју за ТВ21 беше децидна дека реформи мора да има. Се работи на тоа чекор по чекор, предлог законот кој беше повлечен по усогласувањето со европските стадарди повторно ќе биде поднесен.
-Првиот чекор на подобрување мора да го направивме, бидејќи сите истражувања и оценувања покажуваат дека нашите деца остануваат функционално неписмени-рече Царовска.
Од граѓанската иницијатива која ја сочинуваат околу 70 000 членови велат дека бојкотот на наставата ќе го стават во мирување. Очекуваат од МОН да ги повикаат до понеделник повторно на разговор за усогласување на ставовите.
