Во обраќањето од Брисел, вчера претседателот на Србија, Александар Вучиќ, побара луѓето да се вакцинираат, бидејќи одзивот на вакцинации во Србија денес не беше голем и тој не е задоволен од тоа.
“Не можам да ги разберам луѓето што живеат за да добијат лајкови ако навредуваат некој што е вакциниран. Ги загрозувате сите луѓе кои не се во добра здравствена состојба. Имате право да се загрозите себе си, но не и другите”, рече тој.
Тој исто така истакна дека другите земји „се борат“ за вакцините. “Имаме вакцини колку што сакате. Ги имаме сите четири вакцини, немаме проблем со тоа”, рече тој.
Како што вели, од вторник, тој ќе оди во градовите во Србија секој втор ден и ќе бара од луѓето да се вакцинираат.
“Не е прашање дали ќе патувате, туку дали ќе го загрозите сопственото и здравјето на другите. Прашањето е дали сакате да преживеете или да заразите некој друг. Ако се вакцинирате, во 90 проценти на случаи ќе преживеете, но тоа не значи дека нема да заразите “, заклучи претседателот.
Тој додаде дека изгубивме многу животи.
