Глобален прекин во интернет-услугите погодил десетици платформи и компании, откако Amazon Web Services (AWS) и Microsoft Azure, два од најголемите даватели на cloud-услуги, истовремено доживеале прекини.
Според Downdetector, проблемите започнале околу 11:30 часот по источно време, кога корисници ширум светот пријавиле проблеми со пристап до веб-страници, апликации и cloud-сервиси. Засегнати се платформи како Microsoft 365, Xbox, Outlook, Starbucks, Costco, Kroger, како и алатки за развивачи и обработка на податоци, вклучувајќи Blackbaud и Minecraft.
Истовремениот пад на AWS и Azure е особено загрижувачки затоа што двете компании формираат ‘рбетот на глобалната интернет инфраструктура, обезбедувајќи хостинг за трговија, забава, деловни операции и cloud-складирање на податоци.
Фрустрираните корисници го искажаа своето незадоволство на социјалните мрежи, истакнувајќи ја зависноста на светот од неколку технолошки гиганти. Ова е втор голем прекин на AWS за помалку од десет дена, што повторно го отвори прашањето за кршливоста на глобалната интернет-инфраструктура.
