Еден тинејџер го загуби животот, а седум други се повредени во сообраќајна несреќа што се случи на автопатот Нови Сад–Белград. Повредените се хоспитализирани и се на возраст од 13, 15 и 16 години. Меѓу нив е и возачот на комбето, на 43 години, кој со сериозни повреди е пренесен во Централната болница Војводина. Алкотестот покажа дека возачот не бил под дејство на алкохол.
„Сите седум деца се хоспитализирани, две се на интензивна нега, пет на одделение. Сите се стабилни, освен едно дете со обемна повреда на цервикалниот ‘рбет, кое беше пренесено во Белград во Клиничкиот центар на Србија. Другото дете на интензивна нега е добро и не е витално загрозено. Петте други се на одделенија и нивните животи не се во опасност“, изјави Милош Пајиќ, раководител на Институтот за здравствена заштита на деца и млади на Војводина.
Полицијата ја истражува причината за несреќата.
