Рускиот претседател Владимир Путин изјави дека советниците на американскиот претседател Доналд Трамп, кои предлагаат воведување санкции против руската нафтена индустрија, всушност работат против интересите на самите САД.
„Доколку нашиот извоз на нафта и деривати се намали, тоа неизбежно ќе предизвика скок на цените на светскиот пазар, вклучително и на бензинските пумпи во Америка“, рече Путин, пренесе агенцијата ТАСС.
Тој додаде дека разговарал со Трамп на оваа тема и предупреди дека растот на цените на горивото може да има сериозни политички последици во САД.
