Македонската ракометна репрезентација попладне заминува за Алборг, Данска. По триумфот на првата средба против актуелниот светски првак, Данска, селекторот Кирил Лазаров и неговите момци имаат една желба – утре на реванш дуелот да ја повторат истата игра од Скопје.
Како што соопшти синоќа Данската ракометна федерација, 24-годишниот Милер ќе го пропушти мечот поради повреда на коленото.
На негово место, данскиот селектор Николај Јакобсен го повика дебитантот Николај Ласо од локалниот прволигаш Алборг.
Македонските ракометари вчера го одржаа последниот тренинг во Скопје пред денешното заминување за Алборг, откако завчера го совладаа светскиот и олимписки првак со 33:29.
Во македонската репрезентација, како што претходно денеска соопшти капитенот и селектор Кирил Лазаров, за реваншот против Данска ќе отсуствува кружниот напаѓач Стојанче Стоилов, поради повреда на грбот.
Дуелот со репрезентацијата на Данска се игра утре со почеток во 16 часот.
