Јавното комунално претпријатие „Шар“ од Тетово информира дека поради дефект на главната водоводна линија на улицата Тодор Циповски-Мержан, привремено е прекинато снабдувањето со вода за пиење во овој дел од градот.
Од претпријатието соопштија дека нивните екипи се на терен и интензивно работат со полн капацитет за што побрза санација на дефектот и нормализирање на водоснабдувањето.
„Ги замолуваме граѓаните за разбирање и ги уверуваме дека водоснабдувањето ќе биде воспоставено веднаш по завршување на поправката,“ стои во соопштението на ЈКП „Шар“.
Според најавите, водата ќе биде вратена веднаш по целосната санација на дефектот.
