Во време кога границата меѓу канцеларија и кафе-бар одамна се избриша, технологијата мора да биде флексибилна колку и ние. Со новата Galaxy Tab S серија, Samsung нуди уреди што се прилагодуваат на секојдневието – доволно моќни за работа, доволно лесни за движење и доволно паметни за да предвидат што ти треба пред да го побараш.
Во време кога работата, учењето и креативноста сè повеќе се мешаат во еден динамичен ритам, изборот на уред станува прашање на стил, не само на спецификации.
Samsung повторно успеа да ја најде рамнотежата меѓу мобилност и моќ со новата генерација на Galaxy Tab S серијата, која ја дефинира следната етапа на „работи од секаде“ ерата.
Tab S11: кога таблетот е деловен партнер, не само уред
На прв поглед, Galaxy Tab S11 изгледа како минималистички моден детал. Но зад тенката рамка од 5,5 мм и тежината од 469 грама, се крие уред што лесно може да го замени лаптопот. Тој е направен за оние кои патуваат меѓу состаноци, градови и идеи- луѓе кои не сакаат да го губат чувството на контрола.
11-инчниот Dynamic AMOLED 2X екран со 120 Hz освежување не е само визуелно совршен, туку и практичен: јасен под силно сонце, нежен за очите во ноќен режим.
А под површината, MediaTek Dimensity 9400+ процесорот работи тивко, но сигурно – како некој што секогаш е подготвен за следната презентација.
Во DeX режим, таблетот се претвора во десктоп – со S Pen што не бара да бидете уметник за да изгледате креативно.
Тука е и Galaxy AI, кој го прави она што секој добар асистент го знае: резимира, организира, предвидува.
Сè тоа со батерија што трае цел ден и IP68 заштита што вели „да, може и на пат“.
Tab S10 Lite: лесен, но паметен како професор
За оние кои сеуште учат, бараат, експериментираат – Galaxy Tab S10 Lite е уред кој ја разбира динамиката на младоста. Доволно лесен за секој ранец, доволно моќен за секој предизвик.
10.9-инчниот WUXGA+ екран со 90 Hz е пријатен за читање и цртање белешки со S Pen, додека Vision Booster осигурува дека сонцето нема да го спречи вашиот фокус.
Со Exynos 1380 процесор, меморија до 256 GB и можност за проширување до 2 TB, овој таблет расте заедно со вас.
AI функциите – Math Solver и Handwriting Assist – се тајните адути за студентите кои сакаат да бидат поефикасни, без премногу драмa.
А со батерија од 8.000 mAh и брзо полнење, уредот лесно го преживува и најдолгиот ден во библиотека.
Мал заклучок за големи уреди
Она што ги обединува Tab S11 и Tab S10 Lite не се бројките, туку чувството на слобода што го даваат. Слобода да работите, учите или едноставно да уживате во моментот – каде и да сте.
Samsung не се обидува да ви продаде уште еден уред.
Со новата Tab S серија, тој ви нуди нешто поретко:
спокој во брзината, инспирација во секојдневието и технологија што навистина се прилагодува на вас.
