Многумина веруваат дека замената на засладените пијалаци со нивните „поздрави“ верзии е подобар избор, но ново истражување укажува дека и диеталните газирани пијалаци можат сериозно да му наштетат на црниот дроб.
Студија претставена на медицинската конференција United European Gastroenterology Week 2025 покажала дека редовната консумација на диетални газирани пијалаци го зголемува ризикот од метаболичка масна болест на црниот дроб (MASLD) за дури 60%. Болеста се јавува поради натрупување маснотии во органот и може да доведе до воспаление и трајни оштетувања.
Истражувањето опфатило повеќе од 100.000 учесници во период од десет години. Резултатите покажале дека оние кои пијат повеќе од еден газиран пијалак дневно имаат значително поголеми шанси да развијат MASLD.
Главната авторка, Лихе Лу, истакнува дека и пијалаците без шеќер можат да го нарушат балансот на цревната флора и да ја зголемат желбата за слатко.
Заклучокот е јасен: и шеќерот и вештачките засладувачи се штетни во прекумерни количини. Замена на еден газиран пијалок со чаша вода може да го намали ризикот за 15%.
Најдобриот избор за здрав црн дроб е ограничување на сите засладени пијалаци — вклучувајќи ги и диеталните.
