Од ЕВН Македонија известуваат дека утре, 14 октомври 2025 година, поради планирани технички зафати во електро-системот, делови од Тетово и селото Ѓепчиште ќе останат без електрична енергија во различни временски интервали.
Во периодот од 09:00 до 14:00 часот, без струја ќе бидат делови од селото Ѓепчиште, конкретно објектите што се наоѓаат во близина на игралиштето на Ренова.
Во градот Тетово, прекини се предвидени на неколку локации:
Од 09:30 до 14:30 часот ќе нема струја дел од улица Цетинска; Од 09:45 до 12:00 часот без електрична енергија ќе бидат објектите на Авзију и МК на излез од градот; Од 12:00 до 14:00 часот прекин ќе има и во дел од викендичките на Попова Шапка, кај новата трафостаница.
Од ЕВН апелираат граѓаните навреме да се прилагодат на најавените прекини и да преземат соодветни мерки за заштита на електричните уреди.
