Кандидатот за градоначалник на општина Прилеп, Дејан Проданоски, заедно со министерот за спорт Борко Ристовски, денес најави целосна реконструкција на двете спортски игралишта и детските реквизити во населбата Точила.
„Во Точила започнуваме со конкретни дела, а не со празни ветувања. Ќе создадеме подобри услови за младите, за спортот и за секојдневниот живот на граѓаните“, истакна Проданоски.
Реконструкцијата ќе започне во наредните денови и е дел од пошироката програма за подобрување на инфраструктурата и животниот стандард во Прилеп.
„Работиме посветено, одговорно и со план, затоа што Прилеп заслужува повеќе. Вистинскиот избор е работа. Вистинскиот избор е број 9“, порача Проданоски.
