Американскиот претседател Доналд Трамп се обрати во израелскиот парламент (Кнесет), истакнувајќи дека регионот е блиску до договор за демилитаризација на Газа и разоружување на Хамас, што беше поздравено со силен аплауз од присутните.
Сепак, делови од планот на Трамп кој се состои од 20 точки за разоружување на Газа и статусот на Хамас сè уште не се официјално потврдени ниту договорени, а Хамас ги одбива овие барања.
Трамп истакна дека „Израел постигна сè што можеше со употреба на оружје“ и нагласи дека војната, според него, е завршена.
По говорот, Трамп отпатува во Шарм ел-Шеик, Египет, каде заедно со египетскиот претседател Абдел Фатах ал-Сиси ќе претседава на мировен самит со повеќе од 20 светски лидери, меѓу кои и британскиот премиер Кир Стармер.
Целта на самитот е постигнување долгорочен мировен договор меѓу Израел и Хамас и зајакнување на регионалната стабилност. Трамп истакна дека „мирот не е само идеја, туку реалност која може да се гради секојдневно“ и изрази надеж дека повеќе земји ќе се приклучат на Аврамовите договори, кои веќе резултираа со нормализација на односите на Израел со неколку муслимански држави.
На израелскиот премиер Бенјамин Нетанјаху му порача дека „светот повторно го засака Израел“.
