Израелските власти денеска издадоа предупредување до Палестинците на окупираниот Западен Брег да се воздржат од јавни прослави по повод планираното ослободување на палестински затвореници во понеделник.
Според локални извори, израелските сили во повеќе палестински населени места, каде што живеат семејствата на затворениците, делеле летоци во кои се наведува дека „секој што ќе учествува во вакви активности ќе биде изложен на казна и апсење“, пренесува Ал Џезира.
Палестински претставници соопштија дека израелските безбедносни сили поединечно ги предупредиле членовите на семејствата на затворениците да не организираат никакви прослави.
