Неколку лица се повредени во пукање што се случи во центарот на германскиот град Гисен, пренесуваат локалните медиуми. Осомничениот напаѓач, чиј идентитет засега не е познат, сè уште е на слобода.
Според информациите на регионалниот медиум „Хесеншау“, напаѓачот испукал неколку куршуми во спортска обложувалница во центарот на градот во саботата попладне, по што успеал да побегне.
Властите засега не откриваат колку лица се повредени и каква е сериозноста на нивните повреди. Мотивот за нападот сè уште не е познат. Германскиот весник „Билд“ пренесува дека најмалку три лица се повредени.
Полицијата соопштила дека, според првичните проценки, нема опасност за пошироката јавност. Плоштадот во близина на обложувалницата е делумно ограден, а истражителите собираат докази на местото на инцидентот, објави „Миттелхесен.де“.
