Руски воен авион МиГ-31 се сруши вечерва при слетување во Липецката област, по изведен планиран тренажен лет, соопшти руското Министерство за одбрана.
„Денес, околу 19:20 часот по московско време, авион МиГ-31 се урна при слетување по завршен тренажен лет. Екипажот успешно се катапултираше и нивните животи не се во опасност,“ стои во соопштението.
Министерството нагласи дека леталото паднало во ненаселено подрачје и дека во моментот на инцидентот не било вооружено.
МиГ-31 е суперсоничен ловец-пресретнувач со долг дострел, кој е дел од руските воздухопловни сили од 1980-тите години и најчесто се користи за патролни и обукни мисии.
Причините за падот засега не се познати, а војската спроведува истрага за утврдување на околностите на несреќата.
