Претседателот на Еквадор, Даниел Нобоа, преживеа обид за атентат откако неговото возило било нападнато со камења и погодено со куршуми за време на протестите против укинувањето на субвенциите за гориво.
Министерката за животна средина Инес Манзано потврди дека на автомобилот има траги од истрели. Пет лица се уапсени, а случајот се истражува како тероризам и обид за убиство.
Нападот се случил кога околу 500 демонстранти ја опколиле претседателската колона. На видеата се гледаат скршени стакла и оштетувања на возилото.
По инцидентот, Нобоа се појави на јавен настан во Куенка, изјавувајќи дека „во новиот Еквадор нема место за насилство“ и дека „законот важи за сите“.
Организацијата CONAIE, која веќе 16 дена води протести, го обвини режимот за полициска бруталност и незаконски апсења. Нобоа тврди дека укинувањето на субвенциите ќе заштеди 1,1 милијарда долари годишно за поддршка на ранливите групи.
#URGENTE | El Gobierno confirmó un intento de asesinato contra el presidente Daniel Noboa, luego de que su caravana fuera atacada en el cantón Tambo, provincia del Cañar. Según informó la ministra Inés Manzano, el vehículo presidencial recibió impactos de bala, aunque el… pic.twitter.com/jVDsW5yU3f
— Radio Forever 92.5 FM (@925forever) October 7, 2025
