Поради врнежи од снег, денеска од 6:50 часот е воведена забрана за сообраќај за тешки товарни возила на регионалниот пат Дебар – Маврово, соопшти АМСМ. На патниот правец село Живалево – село Туралево сообраќајот од 6:45 часот е нормализиран.
Поради одрон, од 5:00 часот сообраќајот на одредени делници се одвиваше наизменично по една коловозна лента. Државните патишта се проодни, но коловозите се влажни, а сообраќајот надвор од градските средини е умерен.
АМСМ апелира возачите да ја прилагодат брзината, да ги почитуваат сообраќајните знаци и да внимателно управуваат со возилата, особено на патиштата низ котлините, речните долини и клисурите, каде постои опасност од одрони. Ова важи особено за делниците Катланово – Велес, Маврово – Дебар – Струга, Виница – Берово и Кочани – Делчево.
