Кандидатот за градоначалник на општина Прилеп, Дејан Проданоски, денес имаше средба со претставниците од Регионалната стопанска комора со седиште во Прилеп, каде што ја презентираше дел од својата предизборна програма посветена на економските теми.
На средбата се разговарало за актуелните состојби во стопанството, предизвиците и проблемите со кои се соочуваат бизнисите, но и за можностите за подобрување на економската клима во Прилеп и регионот.
„Нашата цел е заеднички да градиме економски посилен Прилеп, со повеќе инвестиции, нови работни места и подобри услови за стопанствениците“, истакна Проданоски, изразувајќи благодарност за поканата и можноста да се обрати пред членовите на Комората.
Тој нагласи дека токму соработката со бизнис-заедницата е клучна за развојот на градот и за создавање на одржливи економски политики во корист на сите граѓани.
