Хрватскиот Сабор денеска со големо мнозинство го отфрли предлогот на опозицијата за признавање на Државата Палестина. „Против“ гласаа 73 пратеници, 44 беа „за“, а четворица „воздржани“.
Претседателот Зоран Милановиќ, поранешен лидер на СДП, повеќе пати бараше од Владата да ја признае Палестина. Но владејачката коалиција предводена од ХДЗ и премиерот Андреј Пленковиќ останува на ставот дека решението треба да биде модел „две држави“ преку дијалог и мировен процес.
Шефот на дипломатијата, Гордан Грлиќ Радман, претходно порача дека сè уште не се исполнети условите за признавање, бидејќи најпрво треба да завршат судирите и да се ослободат сите заложници.
