Украинскиот претседател Володимир Зеленски, на состанок зад затворени врати со американскиот претседател Доналд Трамп, побарал САД да и испорачаат на Украина ракети „Томахавк“, објави британскиот весник „Телеграф“.
Зеленски посочил дека токму овие крстосувачки ракети со долг дострел можат да го натераат рускиот претседател Владимир Путин да седне на мировни преговори.
Во интервју по средбата, Зеленски изјави дека Трамп е „подготвен да го разгледа неговиот апел“. Ракетите „Томахавк“ имаат дострел до 2.400 километри и носат боева глава од 450 килограми.
Поранешниот претседател Џо Бајден претходно одбил да и испорача вакви ракети на Украина, но најновото барање на Зеленски отвора прашање дали Трамп ќе ја промени американската стратегија кон конфликтот.
