Според ветеното за роденденот на Вучиќ, нови половина милион дози од вакцината на кинеската „Синофарм“ вечерва пристигнаа во Белград. На аеродром ги пречека српскиот претседател Александар Вучиќ.
Тој и се заблагодари на Кина за оваа, но и за претходните пратки.
Надвор од протоколот, вечерва дојдов на аеродромот „Никола Тесла“. Нашиот најголем авион, А330 донесе 500.000 вакцини од Синофарм. Дојдов за уште еднаш да ја изразам својата почит и благодарност кон претседателот Си Џипинг и кон кинескиот народ, рече Вучиќ во видеообраќањето од аеродромот.
