Скопската полиција во понеделникот и вторникот регистрираше повеќе инциденти и изврши неколку интервенции на различни локации низ градот.
Во кругот на Клиничкиот центар „Мајка Тереза“ 34-годишниот А.Е. од Неготино бил физички нападнат од 41-годишниот С.С. од Скопје. Во Аеродром, на автобуска постојка, по претходна расправија, дошло до тепачка меѓу Б.С. (35) од Свети Николе и двајца скопјани, Н.Ц. (45) и О.Ц. (40).
Напад бил пријавен и во Ѓорче Петров, каде 71-годишниот С.М. бил нападнат од 69-годишниот Н.З., кој употребил и тврд предмет.
Во посебна акција, на повеќе локации во Скопје, полицијата лиши од слобода пет лица – четворица млади скопјани и Б.С. (35) од Свети Николе, кај кои била пронајдена бела прашкаста материја и марихуана.
Од МВР соопштуваат дека по целосно документирање на случаите ќе следуваат соодветни поднесоци.
