Концертот на легендарниот бенд Lemonheads во барот „Vintage Industrial“ во Загреб завршил неславно по само половина час, откако фронтменот Еван Дандо доживеал нервен слом на сцената. Настапот требаше да го прослави албумот Come on Feel the Lemonheads, издание што им донесе светска слава на бендот.
Посетителите изразија разочараност на социјалните мрежи, барајќи враќање на парите за билетите, кои чинеле 27 евра однапред или 30 евра на денот на концертот. Некои наведуваат дека инцидентот бил толку непријатен што подобро би било да слушнеле за него преку интернет, отколку да го доживеат лично.
Критичар од Јутарњи лист истакнува дека по првите неколку такта било јасно дека Дандо не е способен да одржи концерт на високо ниво. Реакциите на јавноста се мешани – додека дел од фановите бараат компензација, други ситуацијата ја коментираат со сарказам.
Организаторите сè уште не објавиле дали ќе им се надоместат загубените средства на посетителите.
