Земјотрес со јачина од 5,5 степени според Рихтеровата скала го погоди регионот на Егејското Море во Грција ноќеска во 00:27 часот по локално време (23:27 часот по македонско време).
Епицентарот на потресот бил во морето, на околу 45 километри североисточно од Атина, а длабочината изнесувала само 5 километри, што придонело за посилно тресење на површината. Земјотресот бил силно почувствуван во главниот град и поширокиот регион на Атика, предизвикувајќи вознемиреност кај граѓаните.
Засега нема информации за жртви или поголема материјална штета. Сеизмолозите напоменуваат дека податоците се прелиминарни и можно е да бидат коригирани во наредниот период.
