Два вооружени турски воени авиони Ф-16 вчера го прекршија воздушниот простор ФИР Атина во југоисточниот дел на Егејското море, пренесуваат грчките медиуми. Ова е прво вакво прекршување од страна на Турција по пауза од 30 месеци, јави дописничката на МИА од Атина.
Воените авиони прелетале меѓу островите Родос и Кастелоризо без претходно да достават план на летање. Вкупно, во текот на вчерашниот ден биле регистрирани три прекршувања на ФИР Атина: двата Ф-16, еден авион од типот АТР-72 и еден хеликоптер.
Според грчките медиуми, сите турски авиони биле идентификувани согласно меѓународните правила. Последните вакви прекршувања од турска страна биле забележани во февруари 2023 година.
