Владата на Франција предвидува сценарија во кои земјата би била држава-поддржувач, способна да прими голем број ранети војници од домашни и европски сили. Наредбата има за цел да „предвиди, подготви и одговори на здравствените потреби на населението, интегрирајќи ги специфичните потреби на одбраната во здравствениот систем“, објави „Дејли меил“.
Француските власти се подготвуваат за сценарио со голем конфликт, со потенцијален прилив на воени жртви од странство, што го става цивилниот здравствен систем пред сериозен предизвик.
Во меѓувреме, германскиот министер за одбрана, Карстен Бројер, изјави дека силите на НАТО и германските единици ќе останат на штрек поради руските воени маневри во Белорусија. Иако не очекува директен напад на територијата на НАТО, Германија и Алијансата ја следат ситуацијата внимателно.
Генералниот секретар на НАТО, Марк Руте, предупреди дека Русија и Кина можат да ја иницираат трета светска војна, со потенцијални напади врз Тајван и територијата на НАТО, со особено внимание на балтичките републики. Руте посочи дека НАТО мора да ја зајакне соработката со Индо-пацифичкиот регион и да ги зголеми трошоците за одбрана, со оглед на брзото вооружување на Русија и нејзината соработка со Северна Кореја, Кина и Иран.
Франција и западните земји се соочуваат со геополитички предизвик, подготвувајќи се за најлошите сценарија и заштита на цивилното население во услови на глобална тензија.
