Рано утрово, 39-годишен државјанин на Босна и Херцеговина со црн BMW пробил двете рампи на границата меѓу Хрватска и Србија, предизвикувајќи хаос на патиштата.
Полицијата добила пријава за автомобил со странски таблички кој се упатил кон Србија и не било познато кој е за воланот. На терен веднаш излегле неколку патролни возила на сообраќајната полиција и интервенциска единица.
За време на потерата, возачот успеал да пробие и рампа кај Сремска Митровица. Во еден момент полицијата успеала да го блокира, но тој не сакал да излезе од автомобилот и се заклучил. Интервенциската единица го извлекла од возилото и го уапсила.
Според неофицијални информации, уапсениот е 39-годишен државјанин на Босна и Херцеговина.
