Службите на Општина Центар изминативе два дена изведуваат реконструкција на т.н. лежечки полицајци на улицата „Орце Николов“ во Дебар Маало. Старите бекатонки се отстрануваат, а на нивно место се поставува нов асфалт, со што улицата добива современ и уреден изглед.
Градоначалникот Горан Герасимовски истакна дека оваа реконструкција претставува пример како со брзи и ефикасни акции се подобрува секојдневието на граѓаните.
„Реконструкцијата на улицата со отстранување на оштетените лежечки полицајци и поставување нов асфалт значи подобрување на безбедноста и квалитетот на сообраќајот. Со ова се принудуваат возачите да ја намалат брзината, со што се намалува ризикот од несреќи и се штитат пешаците и учесниците во сообраќајот. Старите, оштетени лежечки полицајци можeа да предизвикаат опасност во сообраќајот, како и оштетување на возила“, појасни Герасимовски.
