Повеќе од 29.000 жители на Одеса останаа без електрична енергија откако руски дронски напад во текот на ноќта оштети електроенергетско постројка во близина на градот.
Гувернерот на Одеската област, Олег Кипер, изјави дека најтешко погоден е градот Чорноморск, каде што биле оштетени станбени згради и управни објекти. „Клучната инфраструктура функционира со генератори“, рече тој, нагласувајќи дека едно лице е повредено.
Овој напад е дел од серијата руски удари врз украинската енергетска мрежа во текот на 42-месечната војна. Само неколку дена претходно, во масовен напад врз Киев и други региони загинаа 25 лица.
Паралелно, руското Министерство за одбрана објави дека руските сили собориле 21 украински дрон над својата територија – најмногу во Волгоградската област, но и над Ростовската, Белгородската и Брјанската.
