Украинските напади со беспилотни летала оваа недела сериозно го оштетија капацитетот на рафинериите во Русија, оставајќи ги возачите да чекаат со часови, додека цените на горивата достигнаа рекордни нивоа, пишува The Guardian.
Недостатокот најмногу се чувствува во оддалечените региони, вклучувајќи го Далечниот Исток, јужна Русија и анектираниот Крим, каде што возачите се принудени да купуваат поскапи горива. Аналитичарите проценуваат дека нападите нарушиле околу 17% од вкупниот капацитет за рафинирање на Русија, што е еквивалентно на 1,1 милион барели дневно.
Големопродажните цени за бензинот А-95 достигнаа рекордни 82.300 рубли за тон, а на социјалните мрежи се појавуваат снимки од долги редици и фрустрирани возачи. Иако домашното производство на дизел останува доволно за воените и индустриските потреби, експертите предупредуваат дека недостигот на бензин може да трае до зимата и евентуално да доведе до рационирање.
