Археолошките ископувања во Косово открија уникатно историско богатство – најголемата доцноантичка катедрала на Балканот, сместена во античкиот град Јустинијана Секунда, основан од императорот Јустинијан Велики и неговата сопруга Теодора.
Новопронајдените натписи потврдуваат дека оваа базилика била осветена во 545 година по наредба и волја на Јустинијан, со средства собрани и од локалното население. Особено значајно е што императорот Јустинијан имал дарданско потекло, што неговата историја директно ја поврзува со албанските простори.
За првпат, натписите во катедралата откриваат не само име на градот и годината на неговото отворање, туку и назначувањето на првиот архиепископ на градот – Павле.
Косовски и француски археолози, со поддршка на Европската Унија, продолжуваат со проучување на целиот црковен комплекс, вклучувајќи ја основата на градбата и извонредните мозаици кои го отсликуваат животот и културата од 6 век.
Откритието во Јустинијана Секунда претставува големо збогатување на историското наследство на Косово и дополнително ја истакнува врската на албанскиот народ со императорот Јустинијан и неговите извонредни придонеси во рамките на Римската империја.
