Германскиот министер за надворешни работи, Конрад Вадефул, изрази скептицизам во врска со можноста за распоредување германски трупи во Украина, оценувајќи ја како „далечна можност“ која „најверојатно ќе ја оптовари Германија“.
Тој нагласи дека Германија е фокусирана на одбрана на територијата на НАТО и потсети дека е единствената европска земја со борбена бригада стационирана во Литванија. Сепак, Вадефул додаде дека Германија може да ја поддржи Украина и преку други воени и технички средства.
Министерот го повтори ставот дека само Украина може да одлучи дали и под кои услови да отстапи територија, при што тоа мора да се случи со сигурни безбедносни гаранции за спречување повторна руска агресија.
Вадефул, исто така, истакна дека водечката улога на Германија во конфликтот е пред сè политичка, нагласувајќи дека канцеларот Фридрих Мерц успеал да ги обедини европските земји зад Украина, и покрај различните национални интереси.
