Синоќа во Белград, протести против владата прераснаа во насилни судири со полицијата и жандармеријата. Граѓаните фрлаа камења и пиротехнички средства, а полицијата возврати со солзавец и примена на силни мерки. Жандармеријата интервенираше и блокираше колони граѓани пред Генералштабот, додека демонстрантите се разбија во околните улици.
Слични протести се одржаа и во Нови Сад, каде граѓани изразија поддршка за претходно претепан бајкер. Десетици лица беа повредени и уапсени, меѓу кои и државјанин на Хрватска. Демонстрантите исто така оштетија простории на Српската напредна партија.
Протестите се дел од подолга политичка и социјална криза во Србија, која ескалира од трагедијата на железничката станица во Нови Сад минатата година. Вечерва се најавени нови протести во повеќе градови низ земјата, додека властите апелираат на запирање на насилството.
