Во Нов Белград, граѓаните вечерва излегоа на коловозот кај кружниот тек на Општината, предизвикувајќи напната атмосфера, но сообраќајот сè уште не е целосно запрен. Некои учесници на протестот забележале голем број оклопни возила, што предизвикало вознемиреност, но тие се решени да го продолжат протестот, а дел размислуваат и за упатување кон просториите на Српската напредна странка.
На улиците се слушаат свирежи и сирени од возачи кои им даваат поддршка на демонстрантите.
Паралелно, блокади се случуваат и пред Владата на Србија, каде граѓаните го блокираа сообраќајот на аголот на улиците „Немањина“ и „Кнез Милош“. Иако нема видлива униформирана полиција, присутни се полициски службеници во цивил.
Според Nova.rs, приврзаници на Српската напредна странка ги провоцираат демонстрантите кај Главниот штаб, осветлувајќи ги со ласери, што дополнително ја зголемува напнатоста на улиците на Белград.
