Пожарна состојба во Македонија – 14 август 2025
До 07:00 часот, на територијата на државата се регистрирани 25 пожари на отворен простор, од кои 2 се активни, 3 под контрола, а 20 се изгаснати.
Активни пожари има во повеќенаменското подрачје „Јасен“ во Општина Македонски Брод (мешана шума) и на Октишка краста во Општина Струга (ниска вегетација). Под контрола се пожарите во Радуша кон Дворце (Сарај), во Арачиново и во селото Мало Илино (Демир Хисар).
Најголем дел од изгаснатите пожари се во рурални подрачја со ниска вегетација и грмушки, како и на неколку депонии и урбани локации.
Центарот за управување со кризи апелира до граѓаните да бидат внимателни и да пријават секое забележано палење на отворен простор.
