Американскиот претседател Доналд Трамп најави дека многу наскоро ќе се сретне со рускиот претседател Владимир Путин, пренесува Sky News.
„Многу брзо ќе имам средба со претседателот Путин,“ рече Трамп и додаде дека во мировниот договор ќе има размена на територии која ќе биде „во интерес на двете страни“.
Трамп повтори дека конфликтот во Украина е сложен, со голем број жртви од двете страни, но дека се работи на враќање и размена на одредени територии.
„Сите тие прашања се разгледуваат. Ние сакаме да вратиме делови од териториите, а некои да ги замениме. Се е комплицирано, ништо не е лесно,“ изјави тој.
Средбата, која можеше да се случи и порано, се одложи поради безбедносни договори, но Трамп изјави дека и Путин сака што поскоро да се сретнат.
На прашањето за локацијата на состанокот, Трамп не ја откри, но рече дека таа ќе „израдува многумина“.
