Републиканскиот претседателски кандидат Доналд Трамп најави нова рунда трговски мерки против Индија, поради, како што рече, нејзината континуирана набавка на руска нафта. Во изјава за американската телевизиска мрежа CNBC, Трамп истакна дека моменталните царини од 25% би можеле да бидат зголемени во рок од 24 часа.
„Тие ја поттикнуваат воената машинерија. Ако продолжат со тоа, нема да бидам задоволен“, изјави Трамп, додавајќи дека понудата за „нула царина“ за американски производи во Индија не е доволна.
Оваа закана доаѓа по неговото претходно соопштение на 31 јули, кога најави дека ќе воведе 25% царина на индиската стока како одговор на нејзината енергетска трговија со Москва.
Одговорот на Индија не изостана. Министерството за надворешни работи на Индија соопшти дека земјата е „неоправдано издвоена“ поради купувањето руска нафта, нагласувајќи дека и некои од тие земји што ја критикуваат Индија, паралелно самите тргуваат со Русија.
„Затоа, не е праведно Индија да биде посебно посочена“, се вели во соопштението објавено во понеделникот навечер.
