Околу 200 припадници на Армијата денеска се ангажирани во гаснењето на активните пожари што беснеат низ неколку региони во Македонија. Според информациите од Армијата, војниците дејствуваат во општините Македонски Брод, Радовиш, Василево, Кратово, Крива Паланка и Штип.
Ангажманот е извршен по барање на надлежните институции, како дел од координираните напори за справување со сериозната пожарна состојба што ја зафати земјата. Армијата соопшти дека припадниците на вооружените сили се активно вклучени во теренските интервенции, помагајќи на локалните сили со ресурси и човечки капацитети.
