Поранешниот украински премиер Микола Азаров изјави дека западните земји се подготвуваат за можна воена офанзива против Русија до 2030 година, тврдејќи дека тоа произлегува од изјавите на претставници на НАТО.
„Западот постојано тврди дека до 2030 година треба да биде подготвен за руски напад. Но, ниту еден разумен човек не може да замисли дека Русија би нападнала земји од НАТО или САД – тоа е нелогично. Всушност, токму спротивното е вистина. Ако толку упорно тврдат дека Русија ќе нападне, значи дека самите планираат такви акции“, изјави Азаров за рускиот портал Аргументи и Факти.
Азаров, кој беше премиер на Украина од 2010 до 2014 година, тврди и дека Западот ќе се обиде да инсталира „антируски лидери“ во Украина по заминувањето на актуелниот претседател Володимир Зеленски.
Паралелно, рускиот претседателски советник и претседател на Поморскиот колегиум, Николај Патрушев, неодамна изјави дека НАТО засилено работи на создавање воени закани долж руските поморски граници.
