Поранешен чувар на американската амбасада во Осло е обвинет за сериозна шпионажа во корист на Русија и Иран, открија норвешките медиуми. Според обвинението, 27-годишниот Норвежанец им предал архитектонски планови, адреси и други доверливи информации на странски служби.
Уапсен е во ноември минатата година, а судењето е закажано за средината на август. Иако го признава фактичкиот опис на делата, обвинетиот не ја признава вината. Ако биде прогласен за виновен, може да добие казна затвор и до 21 година.
