Голем број симптоми можат да го најават срцевиот удар и да укажат дека пациентот е во сериозна, потенцијално фатална состојба. Токму затоа е од клучно значење овие знаци да се препознаат навреме.
Според данска студија спроведена врз пациенти кои доживеале срцев удар надвор од болничка установа во периодот од 2016 до 2018 година, еден од десет лица повикал итна медицинска помош во рок од 24 часа пред да настане кардијалниот застој. Најчестите симптоми биле:
Отежнато дишење
Конфузија
Несвестица
Болка во градите
Нагло бледило на лицето
Просечната возраст на пациентите била 74 години, а најголем дел биле мажи (59,9%).
Д-р Филип Гнесин од болницата во Северен Зеланд, Данска, кој ја предводел студијата, вели:
„Проблемите со дишењето почесто му претходеа на срцевиот удар отколку болката во градите. Но, бидејќи оваа симптоматика е карактеристична и за други болести, многу пациенти и диспечери ја потценуваат сериозноста.“
Истражувањето покажа дека токму пациентите кои се жалеле на отежнато дишење почесто умирале во рок од 30 дена по срцевиот удар, особено ако не им било укажано навремена медицинска помош.
„Сакаме да ја зголемиме свеста дека иако болката во градите е алармантен симптом, отежнатото дишење исто така е клучен и прв показател на срцев удар“, додава д-р Гнесин. „Ова сознание може да придонесе за побрза реакција, подобра дијагностика и спасување на човечки животи.“
Што е срцев удар?
Кардиопулмонален застој, познат како срцев удар, се случува кога срцето престанува да пумпа крв. Човек што го доживува, губи свест и има невообичаено, често плитко дишење.
Што да направите?
Ако некој покрај вас има проблем со дишењето, се жали на болка во градите, делува конфузно или се онесвести – веднаш повикајте брза помош на 112. Секоја секунда е драгоцена и може да направи разлика помеѓу живот и смрт.
