Бил Клинтон се прошета во Лошињ – фотографите го препознаа поради еден детаљ [ФОТО]

Поранешниот американски претседател Бил Клинтон вчера беше забележан како шета по ривиерата на Мали Лошињ во Хрватска. Фотографите го препознаа по капата со симболот на Олимписките игри во Лос Анџелес.

Клинтон пристигна во придружба на своите најблиски соработници и со дискретна полициска заштита, која вклучуваше и локални полицајци. Тој уживаше во прошетката покрај крајбрежјето Прико, штитејќи се од силното сонце со капата.

Американскиот дипломат, кој има 79 години, беше претседател на САД во два мандата, од 1993 до 2001 година. По заминувањето од функцијата, остана активен во меѓународната дипломатија.