До 12:00 часот денеска, Центарот за управување со кризи евидентирал вкупно шест пожари на отворен простор низ земјава. Од нив, два се сè уште активни, четири се ставени под контрола, а ниеден не е целосно изгаснат до овој момент.
Активни пожари се бележат:
во селото Николич, општина Дојран, каде што гори нискостеблеста шума;
во селото Перово, општина Ресен, каде што е зафатена трска.
Под контрола се пожарите во:
селата Црнилиште и Дебреште (општина Долнени) – депонии,
регионот меѓу Црешнево, Крапа и Локвица (општина Македонски Брод) – деградирана дабова шума и грмушки,
селото Џидимирци, општина Велес – мешана шума.
Надлежните служби се на терен и активно работат на локализирање и целосно гаснење на пожарите.
